從來未諗過自己會突然重拾睇書之樂 😅 果然，物極必反，是自然現象。
中學大學時代，曾瘋狂睇食譜書和家事智慧書。每兩星期去圖書借盡六本，幾年下來，好似借到冇乜好借，就停下來了。後期識補習賺錢，就買了好多本食譜和家事書在家。但老實講，好多是為買而買、滿足擁有的慾望。
互聯網興起後，以為需要甚麼都可在網上找到，覺得好著數唔駛畀錢 🤑😜 而且開始覺得買書不環保，所以突然有幾年又不再買書。
最近年幾，買來的書竟多於以前十年總和 😅 圖中只係實體書的部分。電子書則在 Kindle 內。重點係本本又厚又多字，真係要用腦用心認真睇 🤪😅 點解會有咁既變化呢？
作為一個超級人肉搜尋器和資料過濾器，本來互聯網對我是偉大發明 👍 但，喺網上睇下睇下，開始發現它的盲點。固然，互聯網的美好是令知識更流通、更普及；但壞處是轉載、抄襲的成本極低。所以，在網上以訛傳訛的文章，比比皆是。到後期，甚至出現非常諷刺的情況：當資訊愈來愈多，人們的理解能力愈低，對學問的追求力度也逐漸消失。想被餵食的人多了，肯付出心機金錢時間去體驗、去發掘的人少了。因為，撳個掣可以搵到既野，做乜要嘥心機捱眼訓？
就係因為咁，曾擺去另一個極端既我，返來了。不知道這一擺又持續多久，但今次似乎有機會持續到老。因為，經歷40年人生後，才拿起人生成長的書，彷彿把過去的遭遇一一解碼，也為我開啟了宇宙的大門，有學之不盡的東西等著我 😍
這是一場有趣的體驗和領悟。繼續前進 🏃♀️ 你們的體驗又是如何呢？
Search